Net ‘n Droom (brons afdeling)

sien jy ook die sterre vanaand, my droom
onthou jy nog die dae onder ons wilgerboom
die reuk van groen geil gras en papawers
waar ons kon lag en droom, speel met klawers

voel jy ook die sterre se streling, my droom
hul aanraking so koel ‘n lawende bergstroom
die tintelervaring wat teen jou rugraat skoppelmaai
toe ek jou hare strelend met my vingers sou draai

lees jy ook die sterre in braille, my droom
onthou jy ons omhelsings so sonder skroom
die warm van ons lywe so styf teen mekaar
ons harte se tamboer wat net nie wou bedaar

ek sluit my oë onder die sterre se blink
laat my gedagtes treetrappies loop
om ou herinneringe weer terug te dink
die mooi wat was met trane terug te koop

terwyl my oë die sterre een-vir-een tas
wonder ek in somerstiltes
sien jy ook die sterre vanaand, my droom

©callie 2018
(foto vanaf internet USNPS)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag