Op ou Treinspore (brons afdeling)

ek wil “eendag” vang en wegbêre
wil dit in ‘n kardoesie toemaak
en dit iewers gaan wegpak
dit hou vir die “môre” wat kom

saam met jou wil ek spore los
in bergstroompies gaan plas
en spoelklippies laggend opraap
dit hou vir die “môre” wat kom

ek wil saam met jou op ou treinspore loop
hand-aan-hand wonder oor “gisters” wat was

op nat strande wil ek jou vashou
ons lywe warm ineen met seewinde koel
terwyl seesproei se nat vingers ons streel
en nuwe drome op branders uitspoel

wanneer die volmaan weer bolwang glimlag
wil ek saam met jou onder die sterre staan
soos ‘n venus en saturnus in die nag
om grootoog die son in te wag

ek wil saam met jou op ou treinspore loop
hand-aan-hand onthou van “treine” wat verby is

dan wil ek die kardoesie gaan haal
oopmaak, en nuwe “môres” daarin sit
en dit saamdra sonder hink
na waar nuwe horisonne wink

©callie 2018

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag