Jong oumens
Jong oumens
Met ogies wat deur trane swem
is sy ‘n kleinmens met ‘n oumens stem
wat veel ouer as haar jaar vertel
“ek weet ek moenie, maar ek kan nie keer
ek ‘worrie’ oor almal se seer”
my hart wil haar hart bedek
as ek dink aan die wêreld en al sy onreg
sy is ‘n kind wat moet speel en baljaar
nie volwasse genoeg om hierdie laste te dra
hoe beskerm jy teen al die boos
watse woorde gebruik jy om te troos?
hierdie swaar belaaide jong oumens
is in jare maar net ses
©PcV
2 Kommentare
-
-
Pat Viljoen
Dankie vir jou voetspore hier Anze. Ek het vergeet om te meld dat my gradeering bronze is.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Julie 2018 - OOP projek