
Die Stilte
Die stilte betower my siel, versag my hart
en verbrysel my smart.
Dit ontferm my en beskerm my,
Dit ontwaak die skrywer binne my.
Soos ‘n koppie koffie soggens die son vergesel,
So vergesel die stilte my.
My gedagtes vergader om kerslig en bespreek my lewe,
my hartseer en verlede.
Stadig maar seker in die stilte herroep
die stemme van als verlore:
Vriende en kennisse, liefde en terugslae,
Als kom na vore.
In die stilte,
die wonderlike stilte.
2 Kommentare
Maak 'n opvolg-bydrae
Jy moet aangemeld wees om 'n kommentaar te plaas.
Palet
Ja die stilte praat met mens...mooi geskryf