Die vrug van nederigheid en selfbeheersing

Die vrug van nederigheid

 

ek sal in nederigheid na God se roepstem luister

myself diensbaar maak aan my naaste

vrugte dra wat soet en sappig are sal voed

gebaar uit die aarde waar fonteine ontspring

 

koring wuifend arms swaai, granate bloedrooi bloei.

heuning sal heilsaam voed en genees

en die aarde se ingewande goud en blink berg

terwyl ek God dien met my gawes geskenke van Bo

 

ek as vrou sal my landsgenote met my hande dien

uit my grondgebied sal graan, vrugte en groente spruit

op my vlaktes sal bees en skaap gulsig en tevrede wei

bye sal sonder stop nektar drink en heuning bedien

 

mensekind sal woeker en werkskaf met die oeste

sodat ‘n volk, nasie en land in oorvloed kan oorleef

as wolke trane huil en waterstrome in oorvloed vloei

sodat die oeste geil op die lande kan staan

 

 en die

 

 vrug van selfbeheersing sal dra

 

o Heer, leer my die vrug van selfbeheersing

maak my die voorbeeld wat ander trek

om rustigheid in my lewe te bring

beheersing van my doen en late die vrugte wek

weerhou my gedagtes, my woorde, my dade

om die versoekings van die lewe te weerstaan

om my nugter, waardig en ingetoë sade

te versprei waar my voetspore op paaie gaan

 

Geesvervulde lewe dra baie vrugte in my

so laat U Gees my uitbundig ryp word, Heer

op die akker van my lewe gedy

en ek bid dat U my elke dag sal leer

om nie te spog maar om diensbaar te wees

vir my naaste en in U koninkryk

dat die selfbeheersingsvrug van U Gees

nederig in my menswees sal pryk

©kopiereg Linda du Plessis 2023