Môre wag vir jou (Goud)

Net voor skemer val

het sy drie van haar dolosse laat rol

vandag se rug was reeds gebreek

gister het in fluisterstemme

met benewelde klanke

saam met die talisman

in haar kop begin dans

een skenkelbeen het weggerol

twee werwel stukkies het stil gelê

“môre wag vir jou my kind”

het die laaste sonstraal

oor die muur geverf

net voor die volmaan

agter Ontongskloof uitklim.

© 02/2024 Caren Kearley

FB: Nimfoleptiese Woorde

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag