Digters en die liefde

die digters skryf gedigte oor die wind
al waai hy jou ook soms van punt tot punt

die digters dig in tale oor die maan
al is sy kraters ver van hul verstaan

die digters maak vlamverse oor die son
en dig graag oor sy gaan en oor sy kom

seisoene dryf ‘n digter se gedagtes
maar verander ewigdurend deur geslagte

hul dig oor see en blomme en natuur
wat wissel elke oomblik van die uur

dan is daar die liefde
die liefde skryf die heel beste gedigte

of hy weg is of hy hier is
of hy blom en of hy taan
of hy vas is of verander
onbekend of welverstaan

die digters volg die liefde
net mooi oral waar hy gaan

Andries Fourie
(Seirdna)
Foto: Pinterest
18.08.2021

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag