Digters Ink
Eens sterk vloeiend’ bloed
van digters-ink verdamp
dwaal tussen sterre, strepe-
waai lettergreeploos
tussen buite-ruim gloed
Skêre van gister se onthou
knip geheuebank kragtig kort
woorde warrel woes en wild
in ’n saamkoek oeroud web
tydelik nou saam toegevou
Geluide bly hol afwesig
stene van diepdenk-mure
wieg brokkelend-broos –
as dit fyn-fyn verkrummel
neerplof tussen misstof
klankloos val op papier
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
8 Kommentare
-
-
Evelyn van der Merwe
Nederige dankie, ek waardeer jou kommentaar.
-
-
Boetiegoed
Neels, ek stem 100% saam met jou, die beeldspraak hierin is ongelooflik mooi en diep. Mooi gepen Evelyn!
-
Evelyn van der Merwe
Dankie vir jou inloer, saamlees en goue woorde.
-
-
Amaspoke
Baie mooi gepen, ek stem saam met Neels, baie goeie beeldspraak.
-
Evelyn van der Merwe
Dankie vir die besoekie hier, waardeer jou altyd.
-
-
Anze
sjoe hierdie is diepseer maar so mooi vasgepen!
-
Evelyn van der Merwe
Dankie vir die saamlees.
-
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
ek is nog altyd van mening dat Evelyn n besonderse talent het wat weer sterk deur hierdie werk onderstreep word