Kelkhand genade
Tussen goudstof van die oggendson
kniel sy kelkhand gekrom
smekend om Sy groot genade
eerbiedig met stil ontsag
sonder voorgee of bravade
Deur karwats en kronkelpaaie
slaan en systap die lewe
vurke in pad en om draaie
moet ons slegs besluite neem
dis die lewe se gegewe
Maar as die aandster sag kom sê
dit is wat die Skepper wil hê
besef ons dit is so beskore
al piets die lewe met al sy krag
vir Hom is jy nog nie verlore
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
5 Kommentare
-
-
Evelyn van der Merwe
Dankie vir die saamlees.
-
-
neels claasen
soos altyd gee Evelyn net haar beste
-
Amaspoke
Hy ken ons al ken ons Hom nie! Mooi werk.
-
Evelyn van der Merwe
Dis 'n feit. Dankie.
-
Maak 'n opvolg-bydrae
Jy moet aangemeld wees om 'n kommentaar te plaas.
Ch Nel Venter
Alles uit genade. Goed geskryf,