Dit is klaar
Dit is klaar
kom luister na my lied
verstaan die woorde
wyl ek snare span
tussen Orion en die Suiderkruis
speel ek ‘n laaste encore
voordat my hart stil moet raak
en
terwyl die melodie se laaste akkoorde
wegvloei oor die westerkim
tel ek my spore op
kyk ek vir oulaas om
dan
wanneer die Nonnetjiesuil die eerste keer roep
ritsel my laaste asem deur die droëe peule van die doringboom
2 Kommentare
-
Seirdna
Wat 'n pragtige gedig. Eenvoudig dog treffend, die bekendstelling van 'n lewe, optel van laaste spore en die uitblaas van 'n asem.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die November 2021 – OOP projek