nogeens

 

 

al lê die koue wolke laag

trek dit met yskoue geloei

oor ons onstuimige baai

 

al waai die wind my koud

klou voëltjies bibberend in takke

wat swaai en net wil breek

 

al swig my gemoed voor pyn

swaarmoedige aanvaarding daarvan

wat oudmaak voor die tyd

 

al sien ek net maar die ligstrale

wat effens gekleur agter wolke skuil

weet ek die nuwe dag het gebreek

 

al is nou maar net nog een vandag

wat herinneringe oproep soms goed

is die verwagting van more daar

 

© Tearlach.