Doel van seer

Woorde, wat drup van skaad
het in my menswees vasgewortel
en sy acacia hakkies sieldiep in laat groei.
Bloeiend het my binnekant sy weëmoed en
nikswerd wete saamgesleep,
tot in my modderpoel waar ek wou spartel.

Oor en oor met selfmartelende bejammering
om die berg
wat in die pad bly staan na my beloofde land.
Stadig het siel geleer, dat woorde van seer
en mense wat skaad my pad loop
vir voorbereiding en versterking,

vir n taak aan my toevertrou,
reeds in moederskoot,
geroepe vir groter dinge.
Genesing het reeds van die eerste skade
kruipend oor wonde geloop
en geleidelik die seer ontwortel.

Heel laas besef ek dat ander wat bloei
slegs hulp kan ontvang deur voete wat reeds
die skaadpad moes loop.

Paula Paxton©

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag