DROOMWOORDE VERLORE
My altyd-nog droomwoorde
van huppel, liefhê en lag
het jy dinamiet loop bêre
in ‘n diep- donker skag
Nou lê my alfabet verstrooi
in die ontploffing se stof
grawe naelbreek daarna
asof vir ‘n naald in hooi
Lettergrepe erg gebroke
disseldans op wieke van wind
want Vader waar o waar –
word heel woorde gevind
Sinsnedes swiep tornadodraai
soos sinoniem neerplof in stof
want met flenter hart aan flarde
word realiteit mettertyd dof
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
4 Kommentare
-
-
Evelyn van der Merwe
Dankie Neels.
-
-
Koekekranka
So waar dat as daar fout in die hart is dan verdof alles; ja selfs geloof en vertroue en dan juis daarom moet ons kleef aan danksegging want dit hou die hartskanaal oop. Jy het hier pragtig gedoen met jou personifikasies.
-
Kiekies
Hierdie is beslis een van jou bestes!
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragtig evelyn