Eb en vloed van Twyfel en Vertroue

Ék sal ʼn sperstreep op jou verlate strand
met die opdrifsels van jou dol brein lyn,
en daar waar jou branders se borrels bars,
sal jou laagwater soos sku see weer kwyn!

Maar in my maanlig se skaam kristalbal,
sal ek met swaartekrag tóg weer gedy,
om met selfvertroue oor jou streep te spoeg
en op my see se steeks wit hings te branderry.

Ai wipplankmens, met jou eb se laag soos maandstondpyn,
jy bloei die wrakstukke van jou donker dans
wat in kortstondige ekstase se orgasme
ʼn reperterende kartel van waan op jou sand saamflans!

Gee my ʼn kans, dan golf ek weer in volle vaart.
Met Maan se mannemoed, sal eb vloedkrag komplimenteer!
Ek wonder net of die siklus van ons gekke duet
met deinings en dalings, my psige erodeer?

Etna Wepener©️