Einde herfs (Goud)

teen einde herfs
het ons in dwangakkoord
die trekpas betree

kort daarna
het die kosmosse
hulle kleure uitgevee
en in die winterveld
se doodsbleek agtergrond
weggesmelt

maar, nog ‘n winter later
staar die seer van ons verweer
my vierkantig in die oë
en laat dit opeens
bloupers kosmos kneuse
aan die skeurkant
van my winterhart
se brose wand

©Loretta Szikra

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag