“ek is nie stoepid nie”

 

 

 

uit die kremetart kom soet water

lewegewende vloeistof vir dorstiges

.

elk positiewe woord het oorlewende krag

binne ‘n wêreld oorstelp met pynlike drag

 

waar mopani se wortels kragtig groei

word stompe hout in koolstof verbrand

 

uit die soetste woordeskat kom bitter krag

stuur net jou boodskap met ‘n selfsugtige drag

 

die wilgeboom se hangende skaduwee-takke

drup vog in diep water van revier en dam

 

jou nare hartseer boodskap bring net pyn

in reeds gebroke harte wat nyg na wyn

 

hardekool se stoere regop, geriffelde stam

laat spore selfs in die warmste veldbrand

 

hoe jy jou naaste om jou skaaf en krap

sal dalk eers eendag in jou epitaaf verskyn

 

die palmboom se ewige buig in die wind

laat storm op storm by hom verby gly

 

met jou kop in die sand buig jy laag af

voor elke uitdaging, maar mis geen wind

 

hoog bo teen die krans troon jou blaredak

jou wortels soos wurms gevestig waar vog is

 

stom geslaan en weerloos staan jy in ongeloof

waar jy eerder vas kon staan in geloof en krag

 

Ó Tearlach.