Verlore Bates

op blink lessenaar
uitgestal lê die ontwikkelingsplan
met groen parke, wye strate
vir dier en mens is hier blyplek

wys my net asb weer meneer
die vier kamer uitleg vir
vyf opgeskote kinders en
gogo moet ook lê meneer

in voorstad staan die erfdeel leeg
na trek na nog ń beter plek daar bo
meneer wie gaan oorsee reis
na die eensame meevaller

almal skree gesiglose raad
party mense moet maak klaar
niemand het die armoede met vyf kinders bestel,
die boedel meester sal klinies die netto waarde bepaal

hande bly slap
die Vader alleen weet,
hoe die kook en slaap gaan werk
en hoeveel kaartjies gekoop sal word