Ek ken die plek
Ek ken ’n plek waar bergtoppe
wolkekrabbers liefd’ryk soen
wynwingerde volgeswel pronk
tussen groen-geil kransvalleie
Ek ken jakaranda-perstapyt
wat betonreus sypaadjie verf
Bosveld koning doringboom
met koedoe,kameel wat wei
Ek ken lied van die oseaan
haar spoegskuim op die strand
woestyn se rolwiel-spinnekop
wit wrakke op Skedelkus sand
Ek ken rommel van tromme
wat swanger donderweer roep
die reuk van regte Skepper-reën
en soet van doudruppel-stroop
Ek ken die weeklaag-verlore volk
wie se dagbreek al flouer brand
rug-gesteek met verdiende dolk
ek ken nie meer eens lieflike land
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
3 Kommentare
-
neels
Evelyn jy laat my verlang
-
Evelyn van der Merwe
Dankie julle twee, waardeer julle altyd.
Maak 'n opvolg-bydrae
Jy moet aangemeld wees om 'n kommentaar te plaas.
Anze
baie mooi