Welkom, Besoeker
Welkom, Besoeker

Titel: Ek onthou.

Deur Anria
Datum gepubliseer: 19 Februarie 2016 Aantal woorde: 112 3805 Kere gelees 38

… en ek onthou
hoe jou hand geproe het
vasgebind aan die hospitaalbed
toe ek dit die laaste keer gesoen het
toe ek jou vir die laaste keer vertel het
hoe baie lief ek jou het.

… en ek onthou hoe dit gevoel het
die laaste keer toe jy my hand gedruk het
toe jy nie meer regtig kon beweeg nie.

… en ek onthou hoe dit geruik het
die laaste keer wat ek by jou was in ICU
om jou te groet.

***

Ek onthou ook
hoe vinnig die M5 gery het
en jy so tevrede gelyk het
toe ek vir jou sê ek is nie bang nie
jy kan maar nog vinniger ry …

© Anria (2016/02/19)




TEMAS
10 Kommentaar
  1. Somerreën

    19 Februarie 2016

    Saam die soet ook die sout. Die gedig van jou is perfek verwoord, en die ritme soos die van ‘n “onthou” wat flits in mens se geestesoog. ai….dis so hartseer en tog sooo eg mooi. xxx

  2. Anria

    19 Februarie 2016

    Dankie Vriendin.

  3. Desiréé

    19 Februarie 2016

    Party goed sal mens nooit vergeet nie. Baie mooi Anria

  4. Doret JohnstoneRobertson

    19 Februarie 2016

    Anria, ek kan my so geheel en al vereenselwig met hierdie gedig van jou. Dis is mens se behoud dat jy alles onthou en steeds op die heel beste kan bly fokus.

  5. Suzette Strydom

    19 Februarie 2016

    Die laaste onthou.. baie mooi!

  6. neels

    19 Februarie 2016

    As ek darem nspietkop daar was….

  7. Viooltjie

    19 Februarie 2016

    Anria, dit is nou ‘n gedig wat my baie diep tref. Ek dink dis baie, baie goed gedoen. Veral hoe jy die laaste strofe inspan. Dit doen net iets en ek kan nie my vinger daarop lê nie, maar dit doen iets. Dit maak dat ek hierdie gedig nooit gaan vergeet nie.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 59
Kommentaar telling: 76

Anria Breed is gebore in 1983 en woon tans in Brits. Sy het ’n Nasionale Sertifikaat N6 - Bestuursassistent Diploma met Besigheidsafrikaans. Haar kortverhaal, Die ou Beetle, het die aanlyn Vrouekeur kompetisie gewen in Februarie 2015. In Julie 2015 is drie van haar gedigte gepubliseer in Brose Genade, ’n bundel vir kanker-vegters. Sy het haar debuut digbundel, Volg net die Skoenlappers, in Augustus 2015 gepubliseer. In Januarie 2017 is een van haar gedigte in ’n Nederlandse tydskrif gepubliseer ter ere van die stigting van die nuwe gemeente, Meierijstad in Nederland. In Mei 2017 is haar gedig, Die mooi van die donker, gepubliseer in die digbundel Inkspraak.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 115 gaste aanlyn

Bydraes – Argief