Net jou hand …
die see is rof-onstuimig
soos die storm in my hart
die seevoëls raas aspris met
skril stemme wat my tart
ek het jou gemis vanaand
die see was sommer grou
die branders ken ‘n nuwe lied
ons het dit saam geskryf vir jou
ek wou die boodskap by jou kry
die golwe moes dit leer
rol-maal-tuimel-breek
daar is aan hul geen keer
die boodskap lê daar duidelik
in flenters op die sand
as ek te veel na jou verlang
maak ek my oë toe
en soek net jou hand …
Desiréé
daar is 'n plek in my waar ek nog jou vingerafdrukke voel waar jou soene nog talm en jou fluisterwoorde saggies weerklink dit is die plek waar 'n deel van jou vir altyd 'n deel van my sal wees ...
6 Kommentare
-
-
borrels
Dankie Neels .. waardeer altyd jou kommentaar
-
-
Suzette Strydom
Dis baie mooi!
-
borrels
Dankie Suzette ... waardeer jou lees en kommentaar.
-
-
Viooltjie
Die groot velange lê die hele strand vol, goed geskryf 😊
-
borrels
Dankie vir jou lees en kommentaar Viooltjie :-)
-
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
Borrels het maar n die unieke talent wat inhierdei werk sterkte na vore tree