Ek sal jou liefhê tot…
die Krokodilpoortberge se fondasie
eendag onvas begin wankel…
en tot spoelklip vergruis
dit dan vér vér daaronder
maelend deur Godspoorte
met witwaters wegdruis.
Tot die see se koue branders
n laaste keer speel-speel
wegtrek van Jacoebsbaai se strand
en als skelmpies daar kom steel.
Tot die Namibskoperduine
eendag hul vuur verloor
en asvaal in n laatdaggloed
verlore daar bly lê en toekyk…
hoe die nag die silwer knope
van haar kobaltkleed afruk
en dié verruil vir n gietswart manel
wyl sy haar liefde bely in die mooiste neurie-klank…
tot dan, sal ek jou liefhê!
6 Kommentare
-
Toom
Ek ok! (hou van, meen ek.) Waar was jy die laaste tyd? Het jou vermis! GvT
-
Loretta Szikra
Dag Toom. Baie dankie. Dis is wonderlik om van jou te hoor. Die laaste jaar was een groot chaos in my lewe. Albei my ouers is binne maande van mekaar oorlede en daar was net soveel dinge om uit te sorteer dat ek nie meer kans gekry of gesien het om te skryf nie. Ek het al my inspirasie verloor... Hopelik kom die woorde en sinne nou weer terug. Ek mis dit so baie om te skryf maar my "mojo" wil net nie terugkom nie.
-
-
neels
Dit is nou werklik n pragtige werk
-
Loretta Szikra
Baie dankie Neels. Dit is great om terug te wees.
-
-
Anze
Pragtig, baie dankie vir jou bydrae tot die Liefde projek
Maak 'n opvolg-bydrae
Jy moet aangemeld wees om 'n kommentaar te plaas.
Palet
Hou hiervan