encore (Goud)

net toe ek dink

dat ek elke moontlike 

hartsmooi herfs-oomblik

wat ooit tot my gespreek het

verewig het tussen versreël

en stroof

kom tokkel daar vanuit die

kortstondige oorgangsglorie

koel herfsvinger-gedagtes aan

my hart-en sielsnare

sodat ek tot my oeuvre móét voeg:

tyd is onsentimenteel

en glo nie in wag nie

daarvoor is die lewe té lank

om dus te drentel

van herfsboom na herfsboom

om ‘n laaste paar ritselboodskappe

te (probeer) ontsyfer sou futiel wees

(die sabbat-seisoen draai reeds leep-oog rond)

© Elmarie Nienaber Van Kampen, 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag