Filander en Koket
Filander en Koket [Minnelied]
Wanneer jy verslaap is alles deurmekaar
Woorde hangend in die lug
Afwagtend vir digvormliefkoosing
ʼn spieëlbeeld van Afrikaans my taal
So dwaal ek ongehinderd rond
gaan ek voort
Krap in die tuin
en in die grond
Maak wakker die slapende hond
Nou kyk net die stoutpootjies in my tuin
Hy is Filander en sy Koket
Flirt flirt gaan hul voort
Op teen die Appelliefie boom
Met hulle gevryery
Dink hulle nou dit is Adam en Eva se tuin
In Soetlandsit Afrikaans my taal
Waar jy die minnelied van woorde hoor
flikflooi my pen in die vrye uur
Afgeskilder in Afrikaans my taal
Hy is Filander en sy Koket
©MarietaCalitz[LadySoul]
4 Kommentare
-
LadySoul
Baie dankie Neels. Ek kry darem so af en toe my oomblikke hehehe
-
Anze
Pragtig, baie dankie vir jou bydrae tot die Liefde vir Afrikaans projek
-
Ronel Janse van Vuuren
Pragtig. Dit voel sommer of lente in die lug is.
Maak 'n opvolg-bydrae
Jy moet aangemeld wees om 'n kommentaar te plaas.
neels
Dit is n ongelooflike pragtige werk hierdie