Bloot menslik
ons is almal maar net mense
ons maak foute
ons kry seer
stamp ons koppe
kwes ons harte
te onbeholpe, om te leer
en ons krenk mekaar se egos
ons kan onsself nie keer
staan dan skansloos teen die terughou
met bitter min, of klein verweer
ons is almal maar net mense
ons het letsels
ons het kruise om te dra
en soms moet ons vergifnis vra
maar die woorde bly ons faal . . .
en treur ons êrens
(diep hier binne)
sonder traan,
en sonder taal
C. Shaw
8 Augustus 2015
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
3 Kommentare
-
neels
Ons is almal mense met foute maar boeta maak n fout en die klipgooiers sak op jou toe
-
Viooltjie
Baie dankie, Anze en Neels vir die inloer en kommentare :-)
Maak 'n opvolg-bydrae
Jy moet aangemeld wees om 'n kommentaar te plaas.
Anze
hoendervleis mooi!!!