FLENTERJAS

 

FLENTERJAS

 

soos ek versliert deur reën voortbeur

veilig in my verflenterde jas

‘n jas geletsel, geblerts met kleur

gedagtes soos knope wat soms nie pas

 

my jas wat skaars my trane weg steek

plek-plek lap-lap en bont gestop

‘n storie wat van vele myle spreek

blink gestryk en bleik geskrop

 

maar as die wind die jaspant lig

‘n bloedrooi flits sag soos fluweel

gevoering met Sy liefde teen my rug

en oorgenoeg om uit te deel

 

en sou ek jou stoksiel alleen kry in die kou

jou moeë lyf, so styf teen myne vas sal hou

 

© Barbara Smit – 30/01/2018