Frustrasie (Goud)

Vanuit my innerwese
bars frustrasie ombeheersd
soos vuurysters deur gletserys

strykdeur my diepste denke
(uit na buite) deur die krake
van die fisiese ­­– die leë dop
wat rasend aankap
en kappend skop
teen bottoe deure
waar my psige
hygend roep

op soek na durf
‘n doel
‘n dop;
in opstand
met my eie kop
en die veggees
(in beheer)
wat die essensie
van menswees
op my afforseer
terwyl sy angsbevange
in die donker gange
van my ashoophart uitskree
hou moed, hou kop, staan op!

© Loretta Szikra

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag