Gebed
Wanneer jou tree
sy spasies verloor
en jou trane vlak lê
en niks in die nietige wêreld
jou meer kan aanspoor
weet jy
dat die begin van die einde
jou in die oë staar
die kruispad
hier voor jou
is deurkruis
met die onvermoë
wat jou deurboor
en jy val soos die trane
op jou wange
neer op die grond
en smeek vir genade
vir rigting
ñ nuwe begin
en dit is waar ñ oorbegin bid
op jou knieë
verdien jy meer
as wanneer jy hardloop
na niks
op jou knieë
kan jy opkyk
en genade ontvang
so meet jou spasies in tyd
tyd van genade
waar jy die saligheid
van Sy liefde kan ervaar
daar waar jy op jou knieë
soebat vir meer
en besef die eenvoud
van jou selfbehoud
lê net in gebed.
2018 © C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.