gemaksone

my duin is koel en koud vanoggend
wind waai sag maar snerpend koud
golwe dans van pure moedswilligheid
wit perde ding mee en jaag op strand

maande lank was die weer vol belofte
van gister af kom dit dan nou hier aan
sagte verspreide reën buie sak oral uit
fisant en mens skuil onder jas en bos

teen verre berghange hang blou wolke
gerugte van buie reën kom oor lug aan
soet op tong meng vars reëndruppels
met sout seelug wat in misgordyn hang

binneland staan kookvure van onlus op
borrelende haat word gekoop en versprei
wapens word selfs uitverhuur aan bendes
wat deur platteland op strooptogte gaan

ver bo alles – om alles – in alles is Hy
gebede gaan soos telegramme na bo
bloed vloei daagliks in moord aanvalle
saggies kook vergeldingsdrang nou oor

©Teárlach