Gesoek: Een geheue

Soms laat ek myself totaal en al verstom

deur ‘n groeiende simptoom van die gejaagde mensdom:

ek reken al te graag
“Ek sal dit nooit vergeet”

net om ‘n paar dae later my woorde op te vreet

daarom maak ek planne deur ‘n lys vir als te hou

net om die neersitplek van die lys nie te onthou

name, vanne, nommers sal skielik net verdwyn

(gewoonlik net mooi wanneer die persoon voor my verskyn)

maar die kersie op die koek wat my moed in stukke breek?

dit wat ek sorgvuldig bêre, word net sorgvuldig weggesteek

sal ek ooit die saak suksesvol kan oplos?

ek bid maar net my brein is môre weer op sy pos