Gister-gif

Gister-gif

“Ek maak my los van wat agter is”
is moeilik om te doen, dis gewis
“ek strek my uit na wat voorlê”
is tog so maklik om te sê

Gister-goud word so snel oud
word uitgedien, word klater-goud
Mooi lyk dit vir dowwe dwase oë
wie daaraan glo staan self bedroë

Wat ek gister nog moet
moet ek vandag gou groet
groet ek dit nie hier en nou
nou-nou sal ek dit ewig berou

Vandag se goeie daad gedoen
word môre gister-gif genoem
Vergeet van dit wat was en leer:
“Verandering kan geen mens keer!”

deur Stephan Uys