Groot is U genade Here.

Wanneer ons deur die lewe stap, en altyd, menslik draai op die verkeerde pad

Wanneer ons dan ons paniek, ons nood, voor U, ons Redder probeer verwoord

Dan kan ons mos nou nie verstaan, U het reeds die weg gebaan, U wat ons verstaan.

 

Wanneer ons vir ons ‘n nuwe motor koop, die beste wat ons in mens harte hoop

Net om dan later uit te vind, die verkoopsman het maar min van ons gedink

Maar waarborg het hul ons beloof, en na die fabriek word ons hoop verkoop

Dit was tog hul wat hom bou, en vind hulle dan ook, en herstel, die foute gou.

 

Net so gaan dit nou mos met ons, ons Skepper en God is ons fabriek

Niemand sal ons dan beter kan verstaan, as die Een wat ons lief het sonder kritiek

Ons groot ingeneur, ons argitek, ons Skepper God het ons gemaak

Wie is dan beter om ons foute raak te sien, te herstel, en aan te raak.

 

God ken jou beter as wat jy dink, Hy noem jou dan sy kind

Wanneer pyn, spyt en verwyt ook in jou lewe kom lê

Dan is dit so heerlik, so salig, en so lekker, om ‘n God, as Pappa te hê

As ons doen, dit wat Hy vra, as ons bid en minder kla my vriend

Dan leef ons in Sy tydlose waarborg, sonder vrees of verval tydperk

Soos God aan ons belowe, die ewige, dan sal ons in die Hemel werk.

©Vossie