Grootput Nostalgie
Die dae op Grootput,
hoe kan ek dit vergeet?
Daar het ons soos Boas en Rut
se onder-by-die-voete-inkruip-lossingsreg,
aalwynheuning
en Mannabrood gebreek.
Ek hoor weer die kinders se Livingtonstemme,
hoe uitbundig hulle die kwartelbos ontdek –
bederf jy ons met ñ worsie op die kole
wyl ek impromptu tonele vasverf.
Die likkewaan-okerkoppie,
knietjiegras witgeeldof en stoppelpers
waar, in die kroon van ‘n Pierneef-sering
die Bontroklaksman op sy skril polisiefluitjie
sy hartsverlange, wyd uitkners.
Ja, die dae op Grootput
is nou skilderytjies teen my muur,
walm-op, ( van ons eens inkarnate seisoene )
slegs die wierook
uit ñ ou verkoolde vuur.
©Elizabeth Greef
9 Kommentare
-
-
Elizabeth Greef
Baie dankie, Janette, Neels, Arnold en Anze, vir julle saamlees en kommentaar, geniet die dag verder!
-
-
neels
Sjoe elizabeth hierdie is omtrent herinneringe
-
Arnold
Sjoe, jy het dit darem ver gaan haal en diep geskryf.
-
Janetta-Helena Boonzaaier
Elizabeth, ek het dit nou as plaaskind so geniet met jou raak beskrywings en so is die dae op Grootput nou skilderytjies teen die muur, en dieselfde lot hier ook, pragtig geskrywe Elizabeth!
-
Koekekranka
n Ongelooflik kunstige en pragtige werk hierdie wat met die keur van woord en gedagtes boei van begin tot end. 'n Absolute kunswerk!
-
Elizabeth Greef
Baie dankie KK, ek waardeer jou saamlees.
-
-
Evelyn van der Merwe
War kan ek byvoeg behalwe volpunte vir hierdie ene.
-
Elizabeth Greef
Baie dankie E, vir jou terugvoering, ek waardeer
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Propvol nostalgie en pragtig gepen