Grootword (Silwer)

Saam met jou kon ek drome droom
en wense wens sonder skaamte of skroom.

Saam kon ons ruimtes bespied
en water op verdroogde akkers giet.

Saam kon ons baljaar en kommer oor môre lag-lag wegstoot.
En toe … toe word ons groot.

Nou is daar geen ruimte meer vir drome droom
of wense wens sonder skaamte of skroom.

Geen onbekende ruimtes om te bespied
en spaarwater om oor verdroogde akkers te giet.

Al waaraan ons nou uiting kan gee,
is kommer oor môre wat onversadig bly skree!

©Driekie Grobler

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag