Hardekool
statig
onder skelle Bosveldson
staan jy in trotse saluut
met kroon in eerbied gebuig
blare wat fyntjies na vlieswolke loer
‘wyl tak-arms malvalekker-wolke
in liefde streel
grondlangs
kruip grasspriet wyd
in die Heer se genade
om rante van wild se voetval pad
in gebed te omsoom
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
10 Kommentare
-
-
Anze
Baie dankie vir hierdie goue woorde Neels ek waardeer dit baie
-
-
Arnold
Die bosveld het nou maar net sy eie unike bekoring om die mens te fasineer.
-
Anze
Baie dankie Arnold dat jy ook vir n wyle onder die Bosveld bekoring kom staan het
-
-
Kiekies
Ja ek hou hiervan! Ook van die skildery.
-
Anze
Baie dankie Kiekies, ja Pierneef was n skilder van formaat!
-
-
Viooltjie
Goeie beskrywing van die Bosveldtoneel, Anze :-)
-
Palet
'n Boom met die dikste en swaarste hout... in die wӗreld. .mooi gedig
-
Ronel Janse van Vuuren
Mooi gepen. Hou van die skildery :-)
-
Anze
Baie dankie Viooltjie, Palet en Ronel ek waardeer julle goue spore
Maak 'n opvolg-bydrae
Jy moet aangemeld wees om 'n kommentaar te plaas.
neels
Elke gedig van jou is n meesterwerk soos hierdie een weereens jou talent uitstraal