hernude geloof
sonder die bril van Covid
ervaar jy weer kleur as jy bid
proe jy die sonskyn;
verstaan die storm se lyn
kreukels van inperking
rafel aan vriendekring
torring aan vertroue
wat verbrokkel in aanskoue
snotneus spat soutbranders
is dit net ek … of ook iemand anders?
paniekerig in waterwals
kleingeloof skink net wilde als
stikkend in die beurtkrag van die storm
verrys geloof in koortjievorm
maak my Heiland my kalm
die storm woed in die holte van My palm
© Francois Meyer
GEDAGTES
My naam is Francois Meyer, getroud met n pragtige vroutjie, Jessica. Ek is n trotse pa van vier seuns. Die kewe is ryk aan kosbare waarhede wat ons gedagtes daagliks vul. Soms het ons die moed om dit op papier neer te pen sodat ander dit kan lees. Hoop jy geniet die lees soos ek dit ook geniet!
Maak 'n opvolg-bydrae
Jy moet aangemeld wees om 'n kommentaar te plaas.