HOE DURF JY
hoe durf jy
aandlantern doof
en krioelende massas
van maanlig beroof
om ons eie liefde
op te kikker
suinig inhalig
met maanligflikker
hoe durf jy
natuur se prag loop steel
al die uieke blomspesies
in rooi, ligpers, wit en geel
sodat ons al die geure
diep salig inteug
en neuse stuifmeelverf
soos in ons wilde jeug
hoe durf jy
my pupille toewaas
met die droomkyk in joune
my laat talm soos ’n dwaas
dis egter hierdie durf
oorboordgaan en waag
wat volmaakte harte
volkome laat slaag
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
4 Kommentare
-
-
Evelyn van der Merwe
Nederige dankie.
-
-
neels
Ek moet saam met Anze stem hier Evelyn
-
Evelyn van der Merwe
Dankie vir die inloer.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Hierdie is baie mooi beelde wat jy pragtig vasgeskets het