In die holte van jou hand

In die holte van jou hand

ek sit voor my doek met my
sleutelbordkwas wat oor dit gly
delf diep in my digwoordeboek
na woorde sinne strofes op soek

meteens borrel dit soos uit ‘n fontein
vloei deur gedagte-kabels sag en fyn
spoel oor na gedagtes ‘n nuwe skepping
wat ek vingertip op die skerm aanbring

elke woorddruppeltjie presies gekeur
wat papier met woorde gaan inkleur
vryevers tipografie oudmodies of rym
word in boeke spesiaal vasgelym

gee dit dan vrye teuels en vlerke
om hoog te vlieg sonder perke
nes te skop dwarsdeur die hele land
en soos nou in die holte van jou hand

©Kopiereg Linda du Plessis 1/11/2017