In die koelte van ‘n krom Karee
In die koelte van ’n krom Karee
sprei lappieskombers en vonkelwyn
Malmiere baljaar in smeltsjokolade
want die wind het wilde woorde
woes, warrelend weggewaai
na wye wildvreemd’ oorde
In ‘n vrotskuit op die spruit
met slegs een enkel spaan
sypel water deur die bodem
wyl Rooivink kwetterend skree
op die riffels van die water –
gebroke lettergrepe betraan
Tussen klowe en berghange
eggo holklank van verlange
maar die waterval se rammel
waar Arende kuikens voer
stuit eggo stil in sy spoor
as enkeling angstig rondloer
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
3 Kommentare
-
Anria
Ek hou baie van die titel.
-
Evelyn van der Merwe
Dankie Anria en Neels vir die inloer en saamlees.
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
evelyn op haar beste