In Peitho se rok geklee
Die gif drup van jou tande
ywerig kom smee jy bande.
Jy meesmuil so wreed
kom plant jy diep jou leed.
Ongenaakbaar spoeg jy wraak
jou haat hier te kom braak.
Drapeer jy jou in ‘n laken
Om jou grense af te baken.
Kap jou naels die vrede in
Bitter te skend vir jou gewin…
(Peitho- die Griekse godin van verleiding en oorreding)
© Carla Visser
Maak 'n opvolg-bydrae
Jy moet aangemeld wees om 'n kommentaar te plaas.