Jou naam in sterrestof
Jou naam het ek met sterrestof
in die maan se buik loop skryf
wyl die sterre skaam beaam
as planete swewend verbydryf
Toe die son sy goudstraal kwas
sonneblom hoof hemelwaarts rig
stap ons kaalvoet deur die kraal
om room vir koffie te loop haal
Met ons mandjie boepensvol
van biltong, vrugte en neute
sprei jy vir my die lappieskombers
en ek skryf vir jou ‘n liefdesvers
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
-
Evelyn van der Merwe
Dankie vir die mooi woorde.
-
-
Anze
mooi en nostalgies gepen
-
Evelyn van der Merwe
Dankie vir die saamlees.
-
-
neels
Soos altyd n treffer
-
Evelyn van der Merwe
Jou gereelde inloer word opreg waardeer.
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
teer herinneringe sagmooi hier neergepen, Evelyn :-)