Kind vir altyd

Kind vir altyd

Deur: Ryno du Plessis

Sag soos ’n mat, kan ek my ouers vertrap,

speel op hul gevoel—ek het dit nie bedoel.

Ek onthou elke seer,

van ouer wees kan jy my niks leer.

Jou trane oor my het gevloei,

jou gebed mag U bloed oor my kind laat vloei.

Gemaklik weet ek jy maak ’n plan;

dit is mos jou werk.

Verpletter los ek jou met skaamte, sonder berou.

Sou ek maar net nog kon,

sou ek sê: dankie ma en pa, julle het jul bes gedoen.

Uit jul lief en leed kon ek leer;

jul foute kan ek gebruik

om nooit dieselfde fout te maak.

Het ek julle tog net meer geëer,

sou God my seën met ’n lewe wat enige kind begeer.

“Eer jou vader en moeder” is moeilik om te leer,

tog wil jy hê jou kind moet jou waardeer.

Wanneer sal ons as kind

die waarheid eendag leer?

©️ Ryno du Plessis 2026