Hartklop van ons taal
Deur speke van ossewawiel
as enigste kompas die
Bybel in hart en voor op die wa
só is my land en taal duur gekoop
in traktate met bloed gedoop
gekruisig deur kampe
van ogiesdraad
verglasde suiker gevoer
lyfgeraamtes waardeur
ligte bries kon roer
kon nie die hartklop van ons taal
uit ons Afrikanerharte skeur
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
4 Kommentare
-
neels
Afrikaans as taal is al op menige maniere aan pogings tot uitwissing onderwerp. ek dink aan Milner wat na die boere oorlog alles in die stryd gewerp het om Afrikaans te vermoor
-
Kiekies
Sjoe jy het hom ver gaan haal, hierdie hartklop taal. En sommer nou my hart ook aangeraak.
-
Ronel Janse van Vuuren
"lyfgeraamtes" en ander woorde wat soveel beelde optower - treffend.
Maak 'n opvolg-bydrae
Jy moet aangemeld wees om 'n kommentaar te plaas.
Arnold
Inderdaad.