Losgemaak (goud)
Daar waar die berggans sy veer laat val
los ek vir jou ‘n laaste wens
want my lief, toe jy weg moes gaan
het selfs die duiwels in my stil geword
in die kaalgestroopte gange van my kop
suis die buitepraat van jou stem nog
want my lief, as dit maar net sou help
sou ek jou daardie dag stywer vas wou hou
as ek kon keer dat asem jou lyf verlaat
sou ek weerskante toe bid met verbloude woorde
ek sou selfs vreemde tale verlei
net sodat jy langer by my kon bly
maar elke klank binne my het grond toe geval
toe jou gety in my hande bedaar.
© 02/2023 Caren Kearley
FB: Nimfoleptiese Woorde
*buitepraat – Soos ‘n eggo
*verbloude – woorde wat ‘n kleur het
2 Kommentare
-
Anze
Pragtig, baie dankie vir jou bydrae tot die Februarie 2023 BLOU projek
Maak 'n opvolg-bydrae
Jy moet aangemeld wees om 'n kommentaar te plaas.
Amanda
Jou woorde eggo seer