Mamma

die man wat jou liefhet
is ‘n beeld van ‘n man
‘n man wat ‘n bars kan kyk*
maar in jou hand is hy klei
wat jy wil vorm na jou smaak
jy sny hom en my in jou patroontjie
nog is jy nie tevrede nie
is ons nooit goed genoeg
breek jy ons telkens af
boetseer ons oor en oor
jou afkeur het ons diep geraak
die klei het droog geword mamma…
onder jou hand gekraak

*Met erkenning aan Jan FE Cilliers