My woorde in swart ink sal voortleef

My woorde in swart ink sal voortleef

 

ek bid dat my brein nooit sal faal

sodat my gedagtes altyd in die selgange

van my brein sal ronddwaal

sodat die letters en woorde in swart ink

vir altyd op papier sal voortleef

met die hoop dat my sinne sal voorttrippel

tot reëls wat met heuningsoet bloeisels sal spog

 

mag elke vers met lettergrepe oorvloei

na genresfonteine waar gedigte met

beeldskone poësie rym en beeldspraak

sal uitborrel met die liefde vir ons taal

 

mag my ink sonder ophou in Afrikaans vloei

met woorde wat oor die droë woestyn vlaktes

met bolwangwolke woorddruppels sal stort

sodat die geur van ‘n nuwe bundel

die aroma sal versprei om vrugte te dra

wat saadjies sal plant wat in elke lesers

se gedagte en menswees lêplek sal kry

©Kopiereg Linda du Plessis 2024