‘n konkavuur vir eendag Silwer

ek blik vir jou ‘n konkavuur
om jou hart snags knus te hou,
die plekkie waar my beeld eens was
in gisters toe te vou

want gister was ‘n kabbelstroom
waarin die somerson kon baai
en liefde sonder ophou
aan die maan kon skoppelmaai

ek sou so graag jou hand wou neem
net een keer weer wou voel,
hoe die warmte van jou omgee
oor my koue vingers spoel

nou blik ek maar die konkavuur
wat in my hart se kamers woed,
ek weet dit sal jou warm hou-
totdat ons eendag weer ontmoet

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag