(on)Heilige grond

(on)Heilige grond

“Unhappy is he to whom the memories of childhood bring only fear and sadness.” – H. P. Lovecraft

Gebede kenter in kerkbanke:
windgordel jou stém
wat Sipresse ontwortel.

Ek stik in die stank van wierook
maar bid tóg saam,
swartpeper op die stoof
– om demone weg te hou, sien –

Jou psigose is ‘n honger dier
– sluk my onskuld heel in –
jy lê hande op die vrou
en bid en bid,
in Jesus naam.

Later, met haar siel skoongevee,
luister ek na die roepstem van die nag
en ek droom – áls is weer mooi.

*I know you’re out there somewhere
Somewhere, and somehow I’ll return again to you.

Heelwat later kyk ek
hoe jou graf in die aarde wegsak en
ek wil luister
– jou beeld het dof geraak –
ek wil huil –
het vergeet hoe.

© Ernst Fernando dos Santos (2017)

*The Moody Blues – “I Know You’re Out There Somewhere.”