Paradoks (silwer)

Laasjaar se kraaknuwe sellofaan
lê nou verfrommel en verstrooi
waar ashoopkinders gretig krap
vir iets eetbaar of ietsie mooi
‘n bietjie blink
of dalk die laaste soet
uit ‘n kondensmelkblik
om te vergoed vir die verdriet van ma en pa se oukrismis van bitter bier en tik
die nuwe jaar breek vonkelnuut
met vuurwerk en fanfare
iewers fees gegoedes
op sjampanje en kaviaar
elders tjank ‘n brak beangs
en wens ‘n straatkind dat
die dobbelsteen se val
hom híérdie jaar tog
hemel toe sal vat

©️Elize Kruger
8 Januarie 2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag