perspektief

 

die mens het dit gemaak

die Skepper het die mens gemaak

 

jy kan nie deur geleerdheid alleen tot God kom nie

selfs al volg jy die weg van apologetiek slaafs

altyd gereed om ‘n antwoord te gee

aan elkeen wat ‘n vraag vra

iemand wat jou belaster

wat jou hoop en geloof

bevraagteken

al is jy hoe

nederig

is jy net mens

infantiel in jou wese

teenoor jou Skepper, God

kan jou goed beredeneerde

gedagtes nie werklik perspektief

bring, aan ongelowiges nie;

nie sonder om aan hulle

wat sukkel om te glo

hul plek in Sy skepping

uit te wys en te verklaar nie

wat jy het, is geloof in wat jy lees

wat jy ervaar, van ‘n lewende God in jou lewe

daardie ervaring wat jou laat blink soos die mòrester

wat die wéreld afgunstig maak op jou

geloof-sekere lewe

 

“Toe ek ‘n kind was, het ek gepraat soos ‘n kind, gedink soos ‘n kind, geredeneer soos ‘n kind. Maar noudat ek ‘n man is, is ek klaar met die dinge van ‘n kind.”

 

© Tearlach.