PLOEGLAND
Ek draf asemloos agter die lewens ploegland trekker aan
terwyl hy drywerloos deur my hart se onkruid kluite jaag
en lêplek vir jou groenvoer sade in my hart kom maak.
Ek verdwaal in die vlinder vingers
van die son se terugkyk kinders
en trek die sluise na my hart se ploegland oop;
bruin-goud water borsvoed my gedagtes
en laat jou sade bloos tot groen
Ek knip die drade
om die rante van my geëelte ploeglandhart
en bied jou groenvoer sade aan
om te onderhandel as die drywerlose trekker
die onkruid uit jou hart kom jaag
en lêplek vir my groenvoer sade
in die ploegland van jou hart te maak
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
4 Kommentare
-
-
Louie
Jy gebruik groot woorde vir 'n paar letters op papier - dankie vir lees en kommentaar
-
-
neels claasen
Meesterlik gedoen
-
Louie
Jou kommentaar is altyd 'n riem onder die hart Neels
-
Maak 'n opvolg-bydrae
Jy moet aangemeld wees om 'n kommentaar te plaas.
Evelyn van der Merwe
Hier het jy jouself oortref met alliterasie, assonansie en puik beskrywings. Hou hiervan.